मिस कोशीका विजेतालाई सम्मान

विराटनगर । आठौं संस्करणको मिस कोशी २०२४   प्रतियोगिताको उपाधि विजेतासहित रनरअपहरूलाई सम्मान गरिएको छ । 

आयोजक जय मिडिया म्यानेजमेन्ट प्रालिले बिहीबार विराटनगरमा कार्यक्रम आयोजना गरी मिस कोशीका विजेता सुनसरी इटहरी-१९ तरहराकी शुभलक्ष्मी राईसहितलाई सम्मान गरेको हो ।

यस्तै फर्स्ट रनरअप धरानकी निशा हाङ्मा लिम्बू, सेकेण्ड झापाकी निगम मोक्तान तामाङ, थर्ड जुम्लाकी कृति बस्नेत र फोर्थ रनरअप इटहरीकी स्वस्तिका राईलाई पनि सम्मान गरिएको छ ।

धरानमा गत शनिबार सम्पन्न फाइनलमा २५ जना प्रतिस्पर्धीलाई पछि पार्दै शुभलक्ष्मी राईले मिस कोशीको उपाधि जितेकी थिइन् । उपाधिसँगै उनले नगद १ लाख रुपैयाँ र विभिन्न गिफ्ट ह्याम्पर जितिन् । 

प्रतियोगीहरुलाई कोशी प्रदेशका खानेपानी, सिँचाइ तथा ऊर्जा मन्त्री एकराज कार्की, जय मिडिया म्यानेजमेन्ट प्रालिका अध्यक्ष जयराज राय, सीइओ निशा खतिवडा रायले सम्मान गरेका थिए ।