खोलामा नुहाउने क्रममा डुबेर बालिकाको मृत्यु

मोरङ, भदौ ०९ गते । मोरङको कानेपोखरी गाउँपालिका-४ ज्यामिरे स्थित भलुवा खोलामा नुहाउने क्रममा डुबेर बालिकाको मृत्यु भएको छ ।

पाचँथरको कुम्मायक गाउँपालिका-१ यासोक घर भइ हाल कानेपोखरी-४ मा फुपुको घरमा बस्दै आएकी छगेन्द्र राना मगरको ८ बर्षीया छोरी तुलसा राना मगरको शनिबार अपरान्ह पौने ५ बजे नुहाउने क्रममा खोलामा डुबेर मृत्यु भएको हो ।

घटनास्थलको कानूनी प्रकृया पुरा गरी शवलाई पोष्टमार्टमको लागि ट्रमा सेन्टर उर्लावारी पठाएको छ भने घटना सम्बन्धमा इलाका प्रहरी कार्यालय पथरीबाट थप अनुसन्धान भईरहेको जनाइएको छ ।