विराटनगरका मनीषको सफलता : गोलकिपिङको ‘ए’ डिप्लोमा लाइसेन्स लिने पहिलो नेपाली

विराटनगर । विराटनगरका मनीष तिम्सिनाले खेल क्षेत्रमा ऐतिहासिक रेकर्ड कायम गरेका छन् । उनी एएफसीको गोलकिपिङ ‘ए’ डिप्लोमा लाइसेन्स प्राप्त गर्ने पहिलो नेपाली भएका छन् ।

मनीषले मलेसियन फुटबल संघले आयोजना गरेको कोर्ष उत्तीर्ण गरेसँगै गोलकिपिङ ‘ए’ डिप्लोमा लाइसेन्स प्राप्त गरेका हुन् ।

मनीष हाल भारतीय आइ लिग क्लब गोकुलम केरलाको गोलकिपर प्रशिक्षकको रुपमा छन् । उनी अहिले कलिंगा सुपर कपका लागि आफ्नो टोलीसँग ओडिसामा छन्  ।

मनीषले प्रशिक्षक बन्नुअघि उनले थ्री स्टार, आरसिटी, हिमालयन शेर्पा, बाँसबारी लगातयका क्लबबाट व्यावसायिक खेल खेलेका थिए ।