नौ क्विन्टल गाँजा बरामद

विराटनगर । मोरङको रंगेली नगरपालिका–८ बाट बेवारिसे अवस्थामा ९ सय २१ किलो ६६ ग्राम गाँजा प्रहरीले बरामद गरेको छ । 

बुधबार राति विशेष सूचनाको आधारमा इलाका प्रहरी कार्यालय रंगेलीबाट खटिएको प्रहरी टोलीले रंगेली नगरपालिका–८ स्थित खेतमा रहेको रुखमुनि परालले छोपी लुकाई राखेको अवस्थामा (२९ बोरा) ९ सय २१ किलो ६६ ग्राम गाँजा बरामद गरेको हो । 

बेवारिसे अवस्थामा गाँजा बरामद भएसँगै ओसारपसारमा संलग्न व्यक्तिहरुको खोजी कार्य भैरहेको प्रहरीले बताएको छ ।