एसईई पूरक परीक्षा २३ साउनदेखि

विराटनगर । माध्यमिक शिक्षा परीक्षा (एसईई) को ग्रेड वृद्धि (पूरक) परीक्षा २३ साउनदेखि सुरु हुने भएको छ ।

आइतबार बसेको राष्ट्रिय परीक्षा बोर्ड, परीक्षा नियन्त्रण कार्यालय (कक्षा १० र शिक्षा मन्त्रालयको बैठकले २३ साउनबाट पूरक परीक्षा सुरु गर्ने निर्णय गरेको हो । यसअघि दुई विषयमा नन ग्रेडेड (अनुत्तीर्ण) विद्यार्थीका लागि बोर्डले साउन १८ र १९ गते परीक्षा गर्ने सूचना जारी गरेको थियो ।

तर मन्क्रालयले शुत्रबार दुईभन्दा बढी विषयमा नन ग्रेडेडलाई पनि परीक्षामा सहभागी गराउने निर्णय गरेपछि परीक्षा मिति पछि सरेको हो ।

अहिले उत्तीर्ण भएका र पूरक परीक्षा दिने विद्यार्थीको पढाइमा दूरी कम गर्नका लागि असोजको पहिलो हप्ताभित्र नतिजा सार्वजनिक गर्ने मन्त्रालयले जनाएको छ । बिहीबार प्रकाशित एसईईको नतिजाअनुसार २ लाख ४२ हजार ३ सय १३ विद्यार्थी नन ग्रेडेड भएका छन् ।