बीबीए निर्देशकमा डा सुवेदी

विराटनगर : महेन्द्र मोरङ क्याम्पसको व्यवस्थापन संकाय अन्तर्गत बीबीए कार्यक्रमको निर्देशकमा उपप्राध्यापक डा मोहनकुमार सुवेदी नियुक्त भएका छन् । क्याम्पस प्रमुख डा रामावतार शरणले मंगलबार डा सुवेदीलाई बीबीएको निर्देशकमा नियुक्त गरेका हुन् । 

स्नातक तह अन्तर्गत व्यावसायिक अध्ययन (बीबीए) को निर्देशक रुपमा कार्यरत रामनारायण दासको यही कात्तिक १३ गते कार्यावधि सकिए पछि सो पद रिक्त थियो । बीबीए  अहिले व्यवस्थापन अध्ययन गर्ने विद्यार्थीका लागि प्रमुख आकर्षण कार्यक्रम रहँदै आएको छ । आठ सेमेस्टर (चार वर्ष) पढाइ हुने बीबीएमा हाल मोरङ क्याम्पसमा मात्र करिव पाँच सय विद्यार्थी अध्ययनरत छन् ।

डा सुवेदीले मंगलबार नै एक कार्यक्रमबीच पदभार ग्रहण गरेका छन् । सो अवसरमा उनले बीबीएको गुणस्तर वृद्धिका लागि सबैसँग समन्वय गरी अगाडि बढ्नेमा कुनै कन्ज्युस्याईं नगर्ने बताए । 

पदस्थापन समारोहमा सहायक प्रमुख डिल्ली पोखरेल, प्राध्यापकहरु डा प्रमोद खेरवार, डा उद्धव पोखरेल, विद्यार्थीहरु प्रशान्त यादव, सनिम ठकुरी, केवल काफ्ले लगायतले शुभकामना मन्तव्य राखेका थिए ।