व्यवस्थापन क्याम्पसमा खेलकुद सप्ताह

विराटनगर । पूर्वाञ्चल विश्वविद्यालय स्कुल अफ म्यानेजमेन्ट ‘पुसोम’ (व्यवस्थापन क्याम्पस) मा बिहीबारदेखि खेलकुद सप्ताह सुरु भएको छ । 

सो खेलकुदमा एक सय ७० छात्रासहित तीन सय ८० विद्यार्थीले सहभागी हुने क्याम्पस प्रमुख तथा पुसोमका निर्देशक प्रशान्तकुमार लालले बताए । 

उद्घाटन खेल अन्तर्गत बिहीबार भएको सडक दौडमा छात्रतर्फ कृष्णकुमार शाह, दिनेश मेहता र नितेश सिंह क्रमशः प्रथम, द्वितीय र तृतीय भए ।

त्यस्तै छात्रा सडक दौडमा लिजा चौधरी, शिवानी गच्छदार र सुजाता सुवेदी त्रमशः प्रथम, द्वितीय र तृतीय भए ।

टेबलटेनिस छात्रतर्फ बिकिसन राई, राहुल पौडेल र मनिष चौधरी एवम् छात्रातर्फ इशा थापा, सेजल बर्मा र प्रशंसा कट्टेल क्रमशः प्रथम, द्वितीय र तृतीय भए ।

क्यारमबोर्ड छात्रतर्फ  सरोज विष्ट र यूनिश श्रेष्ठको जोडी प्रथम, सफल रायमाझी र मेहबुबको जोडी द्वितीय र फरहान अख्तर र मिथुन शाहको टोली तृतीय भए ।

यस्तै छात्रातर्फ इशा थापा, प्रशंसा कट्टेल र समृद्धि प्रधान क्रमशः प्रथम, द्वितीय र तृतीय भए ।

बुद्धिचालतर्फ कृष्णकुमार शाह प्रथम, लेविन राई द्वितीय र अनिकेत खेतान तृतीय भए । छात्रातर्फ विपना थापा, इशा थापा  दिप्सिका जयसवाल क्रमशः प्रथम, द्वितीय र तृतीय भए ।