चार जिल्लामा विभिन्न मुद्दा लागेका १० अभियुक्त पक्राउ

विराटनगर । झापा, मोरङ, खोटाङ र सोलुखुम्बुबाट विभिन्न मुद्दाका १० जना फरार अभियुक्तहरूलाई प्रहरीले पक्राउ गरेको छ ।

जिल्ला अदालतहरूबाट कैद तथा जरिवाना सजाय तोकी फरार रहेका सम्बन्ध बिच्छेद मुद्दाका ३ जना, गालीबेज्जती मुद्दाका १ जना, वन मुद्दाका २ जना, बहुबिवाह मुद्दाका १ जना, चोरी मुद्दाका १ जना र चलन हटक मुद्दाका २ जना फरार अभियुक्तहरूलाई गाउँघरमा नै लुकिछिपी बसेको अवस्थामा फेला पारी पक्राउ गरेको हो ।

पक्राउ परेका उनीहरूलाई तोकिएको जरिवाना भुक्तानको लागि सम्बन्धित जिल्ला अदालतमा उपस्थित गराइएको प्रहरीले जानकारी दिएको छ ।