विराटनगरका मेयर र उपमेयर दक्षिण कोरियामा

विराटनगर । विराटनगर महानगरपालिकाका मेयर नागेश कोइराला र उपमेयर शिल्पा निराला कार्की दक्षिण कोरिया भ्रमणका लागि सिओल पुगेका छन् । 

मेयर कोइराला र उपमेयर कार्कीलाई जनसम्पर्क समिति कोरियाका सभापति भजिन्द्र क्षेत्री, उपसभापति लक्ष्मण दाहाल, पूर्वसभापति नवराज शिवाकोटी लगायतले विमानस्थलमा स्वागत गरेका थिए ।

मेयर कोइराला र उपमेयर कार्की सिओलका मेयर ओह सी हुनको निमन्त्रणमा कोरिया पुगेको जनाइएको छ ।

उनीहरु औपचारिक र अनौपचारिक विभिन्न कार्यक्रममा सहभागी हुने कार्यक्रम रहेको मेयर कोइरालाको सचिवालयले जनाएको छ ।