माहेश्वरी  महिला मञ्चद्वारा आत्मरक्षा तालिम

विराटनगर । माहेश्वरी  महिला मञ्च विराटनगर र रोटरी क्लब  विराटनगर डाउनटाउनको संयुक्त आयोजनामा आत्मरक्षा तालिम कार्यक्रम सम्पन्न भएको छ । 

कराते प्रशिक्षक विमल पोखरेलसहित प्रशिक्षकको टोलीले तालिमको सहजीकरण गरेको थियो । 

विराटनगरको दिल्ली पब्लिक स्कुलमा भएको तालिममा ५५ छात्राहरूको सहभागिता थियो । 

माहेश्वरी महिला मञ्च विराटनगरकी अध्यक्ष ललीता जाजूले छात्राहरूमा आत्मसुरक्षा सम्बन्धी चेतना, आत्मविश्वास र विपद् व्यवस्थापन क्षमताको विकास गर्न सो तालिम आयोजना गरिएको बताइन् ।