चार महिनासम्म बधाई थाप्दै मुख्यमन्त्री

विराटनगर । कोशी प्रदेशका मुख्यमन्त्री हिक्मतकुमार कार्की मुख्यमन्त्री नियुत्त भएको चार महिनासम्म पनि बधाई खाँदै खादा लगाउन व्यस्त देखिएका छन् ।

तत्कालिन मुख्यमन्त्री केदार कार्कीलाई विस्थापित गर्दै उनी गत बैशाख २७ गते मुख्यमन्त्रीमा नियुत्त भएका थिए । बुधबार नेपाल निजामती कर्मचारी संगठनको तर्फबाट मुख्यमन्त्री कार्कीसहित मन्त्रीहरूले बधाई थापेका हुन् ।

एमाले समर्थित कर्मचारीहरूको टोलीले मुख्यमन्त्री कार्यालयमै पुगेर मुख्यमन्त्रीसहित अन्य मन्त्री र  राज्यमन्त्रीलाई बधाइ दिएका थिए ।

‘प्रदेश सरकारको प्रभावकारिता  र आवश्यकताबारे प्रश्न उठिरहेका बेला मन्त्रीहरू काम छोडेर बधाई थाप्नमै व्यस्त हुनु कसलाई के को धन्दा, घर ज्वाँईलाई खानकै धन्दा भने जस्तो  भयो,’ एक पूर्व कर्मचारीले भने ।