रथयात्रामा एक लाख प्याकेट प्रसाद बाँड्ने तयारी

विराटनगर । मंगलबार विराटनगरमा निस्कने ऐतिहासिक रथयात्रामा मारवाडी युवा मञ्च विराटनगरले एक लाख प्याकेट प्रसाद वितरण गर्ने भएको छ ।

मञ्चका अध्यक्ष अंकित मारुका अनुसार रथयात्रामा सहभागी भक्तजनहरुलाई बुनियाँ, मखना, चकलेट, स्याउलगायतका प्रसादको एक लाख प्याकेट वितरण गर्ने तयारी भएको छ ।

प्रसाद व्यवस्थापन तथा वितरणका लागि मञ्चका उपाध्यक्ष मोहित अग्रवाललाई संयोजक तोकिएको छ ।

महासचिव धीरज शर्मा र प्रवीन अग्रवाललाई सहसंयोजकको जिम्मेवारी दिइएको मञ्चका अध्यक्ष मारुले जानकारी दिए । प्रसाद वितरणका लागि मञ्चमा आवद्ध ३० जनाभन्दा बढी युवा खटिने बताइएको छ ।

हरेक वर्ष रथयात्रामा मञ्चले पानी तथा प्रसाद वितरण गर्दै आएको पूर्व अध्यक्ष राजेश लखोटियाले बताए ।