विराटनगर महानगरपालिकाका २३ कर्मचारीको तह बृद्धि

विराटनगर । विराटनगर महानगरको कार्यपालिका बैठकले स्थानीय सरकारी सेवाका विभिन्न सेवा समूहमा कार्यरत कर्मचारीको तह वृद्धिसमेत गर्ने निर्णय गरेको छ ।

स्थानीय सरकारी सेवा ऐन (गठन तथा सञ्चालन) ऐन २०८० मा भएको व्यवस्थाअनुसार २३ जना कर्मचारीहरूको तह वृद्धि गरिएको महानगरका प्रमुख प्रशासकीय अधिकृत राजेन्द्र पराजुलीले जानकारी दिए । 

सहायकस्तर पाँचौंदेखि अधिकृतस्तर छैटौं तहमा १२ जना र अधिकृतस्तर सातौंदेखि अधिकृतस्तर आठौंमा ११ जनाको तह वृद्धि गरिएको उनले बताए ।