हत्या आरोपमा पक्राउ

विराटनगर । हत्या गरेको आरोपमा सुनसरीको इटहरी–७ का ३३ बर्षीय उमेश चौधरीलाई प्रहरीले पक्राउ गरेको छ ।

शनिवार बेलुका साढे ५ बजे इटहरी–७ मा इटहरी उप–मनपा ००१ ह ०३५ नम्वरको सिटी सफारी र साइकल एक आपसमा ठक्कर लागी दुर्घटना हुँदा सिटी चालक चौधरी र साइकल यात्री इटहरी–७ का २८ बर्षीय भीम भनिने रामकुमार पण्डितबीच विवाद भएको थियो  ।

विवादका क्रममा चौधरीले रामकुमार पण्डितलाई शरीरको बिभिन्न भागमा खुकुरी प्रहार गर्दा उनको घटनास्थलमा नै मृत्यु भएको थियो ।

घटनामा संलग्न चौधरीलाई इलाका प्रहरी कार्यालय इटहरीले नियन्त्रणमा लिई अनुसन्धान गरिरहेको जनाएको छ ।