निःशुल्क स्वास्थ्य शिविर

विराटनगर । विराटनगर महानगरपालिकाका मेयर नागेश कोइरालाले महानगरवासीको स्वास्थ्यप्रति महानगर गम्भीर रहेको बताएका छन् । 

विराटनगर वडा नम्बर ६ ले आयोजना गरेको निःशुल्क स्वास्थ्य शिविरको उद्घाटन समारोहमा उनले महानगरका सबै वडामा निःशुल्क स्वास्थ्य शिविर सञ्चालन गरिने बताए ।

मेयर कोइरालाले विराटनगर आँखा अस्पतालसँगको सहकार्यमा १९ वटै वडामा निःशुल्क आँखा शिविर पनि सञ्चालन भइरहेको जानकारी दिए ।

सबै वडाहरूमा एकीकृत स्वास्थ्य शिविर सञ्चालन गरिरहेको उनले बताए ।  माघ २० गतेसम्म विशेषज्ञ चिकित्सकबाट वडाका विभिन्न टोलमा शिविर सञ्चालन हुनेछ ।