गुरुकुल माविमा चित्रकला प्रतियोगिता

विराटनगर । ‘बालबालिकामा लगानी, सुनिश्चित भविष्यको थालनी’ भन्ने नारासहित ६०औं बालदिवसको अवसरमा विराटनगर–१४ स्थित गुरुकुल माविले शिशु कक्षादेखि १० कक्षासम्मका विद्यार्थीका लागि चित्रकला प्रतियोगिताको आयोजना गरेको छ । 

शुक्रबार विद्यालयमा भएको चित्रकला प्रतियोगितालाई चार समूहमा विभाजन गरिएको थियो । प्रतियोगितामा शिशु, केजी र १ कक्षा समूह अन्तर्गत कक्षा १ का आयुष यादव प्रथम, केजीकी काब्या यादव द्वितीय र शिशु कक्षाकी आरुशी यादव तृतीय भए । 

त्यस्तैगरी कक्षा २–४ समूहबाट  कक्षा ४ का विशाल यादव प्रथम, साक्षी यादव द्वितीय र कक्षा ३ बाट दिलखुस यादव तृतीय भएका छन् । यसरी नै कक्षा ८–१० समूहबाट कक्षा ९ की ज्योती यादब प्रथम, कक्षा ८ की अस्मीता यादब द्वितीय र कक्षा १० की चाँदनी यादब तृतीय भइन् भने सन्त्वना कक्षा ९ की आँचल यादबले प्राप्त गरिन् ।

प्रतियोगितामा प्रथम, द्वितीय, तृतीय र सान्त्वना प्राप्त गर्ने विद्यार्थीलाई आ–आˆना वर्ग शिक्षकहरुले पुरुस्कार वितरण गरेका थिए । सो अवसरमा विद्यालयका  प्रधानाध्यापक दुर्गाप्रसाद चुडालले पढाइका साथै सिर्जनशील बनेर अगाडि बढ्न सबै विद्यार्थीलाई आग्रह गरेको शिक्षक हरि ढुंगानाले जानकारी दिए ।