गोठगाउँमा शिवरात्री मेला हुने

सुन्दरहरैंचा । सुन्दरहरैंचा–७ गोठगाउँस्थित शिव पाञ्चायन मन्दिरमा महाशिवरात्रीको अवसरमा  शिवरात्री मेला  लाग्ने भएको छ ।

सो अवसरमा  विभिन्न धार्मिक गतिविधिहरूका साथ जगतगुरू बालसन्त मोहनशरण देवाचार्यले भगवान शिवको प्रतिमा अनावरण गर्ने कार्यक्रम रहेको मन्दिर व्यवस्थापन समितिका अध्यक्ष पोष्टकुमार श्रेष्ठले जानकारी दिए ।

शिव पाञ्चायन मन्दिरले फागुन २५ गते महाशिवरात्रीको दिन पूजा आराधना ,शिव प्रतिमा अनावरण, होम होमादी, प्रसाद ग्रहण, शिव आरती र भजन किर्तन गरिने महाशिवरात्री पूजा समितिका सचिव मिलन लुईंटेलले बताए ।