अर्किडमा नयाँ विद्यार्थीलाई अभिमुखीकरण

विराटनगर । विराटनगरस्थित अर्किड कलेजले नयाँ भर्ना भएका विद्यार्थीहरूलाई स्वागत गर्दै अभिमुखीकरण गराएको छ ।

कक्षा ११ मा ८२० जना नयाँ विद्यार्थीहरूलाई भर्ना भएको र उनीहरूलाई स्वागत गर्दै अभिमुखीकरण गरिएको कलेजका प्रिन्सिपल सिएम श्रेष्ठले जानकारी जानकारी दिए ।

उनका अनुसार विज्ञान संकायमा ३७० र व्यवस्थापन संकायमा ४५० जना नयाँ विद्यार्थी भर्ना भएका छन् । भर्ना भएका विद्यार्थी १७ औं ब्याजका विद्यार्थी हुन् ।

कार्यक्रममा राष्ट्रिय परीक्षा बोर्ड कोशी प्रदेशका प्रमुख जीवन गड्तौला, हिसान कोशी प्रदेशका सचिव दिपेश बास्तोला, कलेजका अध्यक्ष अमित ढकालले संस्कारसहितको गुणस्तरीय शिक्षा प्रदान गरेको कारणले अर्किड कलेज विद्यार्थी र अभिभावको रोजाइमा परेको बताए ।

सो असरमा उत्कृष्ट विद्यार्थीहरूलाई सम्मान पनि गरिएको  थियो ।