बन्दुकसहित महिला पक्राउ

विराटनगर : उदयपुरको बेलका नगरपालिका– ४ बाट २ नाल भरुवा बन्दुकसहित १ जना महिलालाई प्रहरीले पक्राउ गरेको छ । पक्राउ पर्नेमा स्थानीय ४७ बर्षीया दुर्गा बिश्वकर्मा छिन् ।

ईलाका प्रहरी कार्यालय रामपुर ठोक्सिलाबाट शनिवार साँझ खटिएको प्रहरी टोलीले  बिश्वकर्माको घर खानतासी गर्दा २ थान भरुवा बन्दुक बरामद गरेको थियो ।

बन्दुक बरामद भएसँगै बिश्वकर्मालाई समेत पक्राउ गरीएको र घटना सम्बन्धमा थप अनुसन्धान भइरहेको सो कार्यालयले जनाएको छ ।