दुर्घटनाबाट दुईको मृत्यु

विराटनगर : झापा र ओखलढुंगांको छुट्टाछुटै दुई स्थानमा सवारी दुर्घटना हुँदा दुई जनाको मृत्यु भएको छ । बुधबार बेलुका झापाको भद्रपुर नगरपालिका– ८ स्थित सडक खण्डमा मे ७ प ७७२४ नम्बरको मोटरसाइकल आफै अनियन्त्रित भई दुर्घटना हुँदा घाइते भएका मोटरसाइकल चालक भद्रपुर– १ का ५१ बर्षीय योगप्रसाद लिम्बूको उपचारको क्रममा मृत्यु भएको हो । 

यसैगरी  ओखलढुंगाको सिद्धिचरण नगरपालिका–२ स्थित भित्री कच्ची सडक खण्डमा निशंखेबाट ओखलढुङ्गातर्फ आउँदै गरेको बा १५ च ८५७० नम्बरको बोलेरो गाडी दुर्घटना हुँदा घाइते भएका उक्त गाडीमा सवार सिद्धिचरण– २ का ४५ बर्षीया नरमाया राईको उपचारको क्रममा मृत्यु भएको हो ।

दुर्घटनामा परी घाइते भएका १८ बर्षीय बिबेक परियार, २९ बर्षीय मनोज कटवाल र २५ बर्षीय निरज कटवालको सामान्य उपचार पश्चात डिस्चार्ज भएको छ । 

घटनामा संलग्न गाडी चालक २६ बर्षीय शान्ताबहादुर बस्नेतलाई जिल्ला प्रहरी कार्यालय ओखलढुंगाबाट खटिएको प्रहरीले नियन्त्रणमा लिई थप अनुसन्धान भइरहेको जनाइएको छ ।