व्यवस्थापन क्याम्पसबाट विद्यार्थीको विदाई

विराटनगर । विराटनगर–२ स्थित व्यवस्थापन क्याम्पस पूर्वाञ्चल विश्वविद्यालय स्कुल अफ म्यानेजमेन्ट (पुसोम) ले बीबीए संकायका २१ औं ब्याचका विद्यार्थीहरुलाई शनिबार एक कार्यक्रम आयोजना गरी बिदाई गरेको छ ।

पुसोममा अध्यनरत बीबीएको आठौ सेमेस्टरका एक सय विद्यार्थीहरुलाई विदाई गरिएको हो । 

सातौं सेमेस्टरका विद्यार्थीहरुले विझिन्न सांस्कृतिक तथा मनोरञ्जनात्मक कार्यक्रमका साथ विदाई गरेका हुन् ।

कार्यत्रममा क्याम्पस प्रमुख एवम् पुसोमका निर्देशक प्रशान्तकुमार लाल, पूर्व क्याम्पस प्रमुख दिनेशराज सुवेदी, प्राडा जीवन ढकाललगायतले मन्तव्य राख्दै पुसोमले अझै शैक्षिक गुणस्तर विस्तार गरेर जाने भन्दै विद्यार्थीलाई शुभकामना दिएका थिए ।

विदाई कार्यक्रमा सातौं सेमेस्टरका विद्यार्थीद्वय प्रशंसा कट्टेल र निर्मल सापकोटाले शुभकामना मन्तब्य राखेका थिए ।