कटुवा पेस्तोलसहित झापामा एक पक्राउ

झापा । झापाको अर्जुनधारा नगरपालिका–४ का ६२ वर्षीय इन्द्र बहादुर आङ्देम्बे कटुवा पेस्तोलसहित पक्राउ परेका छन् ।

आङ्देम्बेले घरमा अवैध हतियार राखेको भन्ने गोप्य सूचना पाएर पुगेको प्रहरीले उनलाई पक्राउ गरेको हो ।

इलाका प्रहरी कार्यालय अनारमनीबाट खटिएको प्रहरी टोलीले मंगलबार राती घरभित्र खानतलासी गर्दा लुकाई राखेको अवैध कटुवा पेस्तोल पनि बरामद गरेको जनाइएको छ ।

कटुवा पेस्तोलसहित पक्राउ परेका उनको सम्बन्धमा थप अनुसन्धान भइरहेको प्रहरीले जनाएको छ ।