जस्ट जोन एफसी नाइजेरिया फाइनलमा

सुनसरी । दुहबीस्थित भलुवा खेल मैदानमा जारी ११ औं भलुवा अन्तर्राष्ट्रिय आमन्त्रण गोल्डकप फुटबल प्रतियोगिताको बुधबार भएको अन्तिम क्वाटरफाइनल खेलमा जस्ट जोन एफसी नाइजेरिया फाइनल खेलमा प्रवेश गरेको छ । 

एमएफसी सुनसरीलाई ५–१ गोलको फराकिलो अन्तरले पराजित गर्दै सेमिफाइनलमा प्रवेश गरेको हो ।

निर्धारित ८० मिनेटको अत्यन्तै रोमाञ्चक एवं प्रतिस्पर्धात्मक भएको खेलको २१ औं मिनेटमा एमएफसी सुनसरीका खेलाडी निरज परियारले १ गोल गर्दै आफ्नो टिमलाई १–० ले अग्रता दिलाएका थिए । 

त्यस्तै खेलको २३ औं मिनेटमा जस्ट जोन एफसी नाइजेरियाका खेलाडी तायोले १ गोल गर्दै आफ्नो टिमलाई बराबरीमा पुर्याएका थिए । 

खेलको ३० औं मिनेटमा जस्ट जोन एफसी नाइजेरियाका खेलाडी ओलायो डेबिडले एक गोल गर्दै अग्रता दिलाएका थिए भने खेलको ३४ औं मिनेटमा जस्ट जोन एफसी नाइजेरियाका खेलाडी ओलायो डेबिडले थप १ गोल गर्दै आफ्नो टिमलाई ३–१ मा पुर्याए । 

खेलको मध्यान्तरपछिको ३३ र ३८ औं मिनेटमा जस्ट जोन एफसीका अब्दुल सलाम र बकारे अमिदले १–१ गोल गर्दै विजय सुनिश्चित गराए । 

खेलको उत्कृष्ट खेलाडी जस्ट जोन एफसी नाइजेरियाका खेलाडी ओलायो डेबिड घोषित भए । उनले नगद ५ हजारसहित पदक प्राप्त गरे । 

त्यसैगरी बिहीवारको पहिलो सेमिफाइनल खेल चात्या सा फुटबल क्लब झापा र मेमोरी युवा क्लब सुनसरीबीच हुनेछ भने अन्तिम खेल ९ गते शनिबार हुने तय भएको छ ।