महिला उद्यमी सरु केसीको निधन

विराटनगर । नेपाल उद्योग वाणिज्य महासंघ कोशी प्रदेश समितिकी निवर्तमान कार्यसमिति सदस्य तथा महिला उद्यम विकास समितिकी सभापति सरु केसीको निधन भएको छ । 

उनी महासंघ प्रदेश समितिको दुई कार्यकाल सदस्य चयन भएकी थिइन् । साथै, घरेलु तथा साना उद्योग महासंघको सल्लाहकार समेत थिइन् । 

लामो समयदेखि मिर्गौला सम्बन्धि समस्याका कारण उनको शनिबार राती निधन भएको जनाइएको छ ।

केसी सेतो गुराँस बाल विकास सेवा मोरङको अध्यक्ष समेत रहेकी थिइन् ।