कनकलक्ष्मीको अध्यक्षमा पोखरेल निर्वाचित

सुन्दरहरैंचा : मोरङको सुन्दरहरैंचा–७ स्थित कनकलक्ष्मी बचत तथा ऋण सहकारी संस्थाको अध्यक्षमा नागेश पोखरेल चयन भएका छन्  ।

संस्थाको  चौथो एकीकृत बार्षिक साधारणसभाले पोखरेललाई  सञ्चालन समितिको अध्यक्षमा निर्विरोध  निर्वाचित गरेको हो । त्यसैगरि कनकलक्ष्मी सहकारीको  उपाध्यक्षमा मातृकाप्रसाद ढकाल, सचिव अर्जुनकुमार खत्री तिम्सिना, सहसचिव अञ्जना संग्रौला र कोषाध्यक्षमा हिरण्य कालाखेती  चयन भएका छन् । 

सदस्यहरूमा पोष्टकुमार श्रेष्ठ, विष्णुकुमारी राई, बिना ढकाल, रविन्द्रकृष्ण श्रेष्ठ र बाबुकृष्ण दाहाल चयन भएका छन् ।  लेखा समिति संयोजकमा लुवराज आचार्य, सदस्यमा सावित्रा सिवाकोटी बरूवाल र वीरबहादुर पिठाकोटे मगर चयन भएका छन् ।

कनकलक्ष्मी वचत तथा ऋण सहकारीको  चौथो एकीकृत बार्षिक साधारण सभाबाट गठित नया सञ्चालक समितिलाई सपथ ग्रहण गरी प्रमाणपत्र वितरण  गरिएको संस्थाका व्यवस्थापक गोपाल देउजाले जानकारी दिए ।

सुन्दरहरैंचा नगरमा कार्यक्षेत्र भएका ९ वटा सहकारी गाभिएर  कनकलक्ष्मी बचत तथा ऋण सहकारी संस्था नामाकरण भई विगत बर्षदेखि  एकीकृत कारोबार भएको हो । नगरकै ठूलो सहकारी मानिएको सो  संस्थामा  ३ वटा सेवा केन्द्रहरू छन् । ती सेवा केन्द्रमार्फत  ७ हजार ३ सय शेयर सदस्य तथा  बचतकर्ताको रकम संकलन हुने गरेको  छ ।