माओवादीका तीन मन्त्री सरकारबाट फिर्ता

विराटनगर । कोशी प्रदेशमा नेकपा माओवादीका तीन मन्त्रीले राजीनामा दिएका छन् ।

माओवादीको तर्फबाट केदार कार्की नेतृत्वको सरकारमा सहभागी भएका खानेपानी, सिँचाइ तथा ऊर्जा मन्त्री नारायण बहादुर मगर, सामाजिक विकास मन्त्री राजेन्द्र कुमार कार्की र पर्यटन, वन तथा वातावरण मन्त्री गणेश उप्रेतीले संयुक्त रुपमा राजिनामा बुझाएका हुन् ।

उनीहरूले सोमबार अपरान्ह साढे ३ बजे मुख्यमन्त्री केदार कार्कीलाई राजीनामा बुझाएका छन् ।