एमाले केन्द्रीय कमिटी बैठक बुधबार

काठमाडौँ, ५ मङ्सिर : नेकपा एमालेले केन्द्रीय कमिटी बैठक भोली बुधबार ललितपुरको च्यासलस्थित एमाले केन्द्रीय कार्यालयमा बिहान ११ बजे बस्ने भएको छ । 

एमाले प्रचार विभाग प्रमुख राजेन्द्र गौतमका अनुसार ‘झुलाघाटदेखि चिवाभञ्ज्याङसम्म समृद्धिका लागि सङ्कल्प यात्रा’ अभियानको तयारीबारे बैठकमा छलफल हुने जनाइएको छ । साथै बैठकमा समसामयिक राजनीतिक गतिविधिबारे समेत छलफल हुने गौतमले जानकारी दिए ।

एमालेले मङ्सिर १४ गतेदेखि एमालेले सामाजिक सद्भाव र राष्ट्रिय एकताको प्रवद्र्धनका लागि लोकमार्ग केन्द्रित ‘झुलाघाटदेखि चिवाभञ्ज्याङसम्म समृद्धिका लागि सङ्कल्प यात्रा’ दार्चुलाको झुलाघाटबाट सुरु गर्दै छ ।