इलेक्ट्रिक साइकलको सोरुममा लागेको आगो नियन्त्रणमा

विराटनगर । विराटनगरको मुनालपथमा रहेको इलेक्ट्रिक साइकलको सोरुममा बुधबार अपरान्ह लागेको आगो नियन्त्रणमा आएको छ ।

विराट महानगरपालिका–२ स्थित मुनालपथमा भव्या इन्टरनेशनलले संचालन गरेको इलेक्ट्रिक सोरुममा आगलागी भएको हो ।

विराटनगर महानगरपालिकाको दमकल पुग्न ढिलो भएका कारण आगलागी नियन्त्रणमा समय लागेको स्थानीयले आरोप लगाएका छन् । ढिलो गरी पुगेको दमकलले आगो भने नियन्त्रणमा लिएको थियो ।

उक्त सोरुमको छेउमा बजाज मोटरसाइकलको शोरुम समेत रहेको थियो ।

आगलागीबाट सोरुममा रहेका सवै इलेक्ट्रिक साइकल जलेको प्रहरीले जनाएको छ । करोडौंको क्षति भएको संचालक मनिष अग्रवालले बताए ।