पहिरोले पुरिएर बालिकाको मृत्यु

उदयपुर । उदयपुरको त्रियुगा नगरपालिका–१५ मा पहिरोले पुरिएर एक बालिकाको मृत्यु भएको छ । मृत्यु हुनेमा चेतन समाल मगरकी ८ वर्षीया छोरी रुपकला मगर रहेकी छन् ।

अबिरल वर्षाको कारण घरमाथिबाट पहिरो झरी घर पुरिंदा घरभित्र रहेकी ३० वर्षीया श्रीमती हिरकुमारी मगर र ८ वर्षीया छोरी रुपाकला मगर घाइते भएका थिए ।

पहिरोले पुरिएर घाइते भएका दुबै जनालाई प्रहरी टोली र स्थानीयको सहयोगमा उद्धार गरी उपचारको लागि स्थानीय स्वास्थ्य चौकी रानीबास लगिएको थियो । उपचारको क्रममा रुपकलाको मृत्यु भएको हो ।