जेनजीका प्रदर्शनकारीद्वारा विराटनगर महानगरपालिकामा ढुंगा प्रहार

विराटनगर । जेनजी समुहका प्रदर्शनकारीले विराटनगर महानगरपालिकामा ढुंगा हानेका छन् । हस्पिटल चोकमा प्रहरीको अवरोध भएपछि उनीहरू उत्तरतर्फ जिल्ला प्रशासन कार्यालयतिर लागेका थिए ।

त्यहाँबाट महानगरपालिकातिर मोडिएका प्रदर्शनकारीले जिल्ला प्रशासन कार्यालय अगाडि राखिएको ब्यारिकेट तोडेर महानगरपालिकाको कार्यालयतिर जाने क्रममा उनीहरूले कार्यालयमा ढुंगामुढा गरेका हुन् । 

प्रदर्शनकारीले महानगरपालिकाको पश्चिमपटि रहेको गेटमा बसेका सुरक्षाकर्मीलाई ठेलेर महानगरको कार्यालयमा प्रवेश गर्न खोजेका थिए । प्रहरीले रोकेपछि उनीहरू ढुंगा हानेका हुन् ।

प्रदर्शनकारीहरूले मालपोत कार्यालयभित्र पसेर नाराबाजी गरेका छन् ।