एक महिने पत्रकारिता तालिम सम्पन्न

विराटनगर । नेपाल प्रेस इन्स्टिच्युट अन्तर्गतको क्षेत्रीय सञ्चार स्रोत केन्द्र विराटनगरको आयोजनमा सञ्चालित एक महिने ‘समाचार लेखन तथा अन्तवार्तार् पत्रकारिता तालिम’ सोमवार सम्पन्न भएको छ ।

तालिमको समापनको अवसरमा गरिएको कार्यक्रममा क्षेत्रीय सञ्चार स्रोत केन्द्र व्यवस्थापन समितिका अध्यक्ष मोहन भण्डारीले  सहभागी प्रशिक्षार्थीहरुलाई आफूले तालिममा  सिकेको सीपलाई व्यावहारिक जीवनमा प्रयोगमा ल्याउन आग्रह गरे ।

समापन कार्यक्रममा विराटनगर महानगरपलिको तर्फबाट सूचना शाखाकी अधिकृत कमला निरौला,सूचना प्रविधि अधिकृत यादव श्रेष्ठ, तालिमका प्रशिक्षकहरु यज्ञप्रसाद शर्मा, निशा खुसी, विजय खतिवडा र केन्द्रका संयोजक वीरेन्द्र शर्माले मन्तव्य राख्दै सहभागी प्रशिक्षार्थीहरुलाई शुभकामना दिएका थिए ।

सो अवसरमा प्रशिक्षार्थीका तर्फबाट सपना राई, शशिल निरौला र मुस्कान पन्तले  तालिममा सहभागी भई धेरै कुरा सिक्न पाएको र त्यसलाई व्यावहारिक रुप दिई अगाडि बढ्नेमा आफूहरु लाग्ने बताए ।

सो अवसरमा तालिममा सहभागी २२ प्रशिक्षार्थीलाई प्रमाणपत्र वितरण गरिएको थियो । विराटनगर महानगरपालिकाको वित्तीय सहयोगमा सो तालिम सम्पन्न भएको हो ।

(दिनेश पौडेल, प्रशिक्षार्थी पत्रकार)