गुणस्तरीय शिक्षाका लागि रंगेलीको चासो

विराटनगर । शिक्षा क्षेत्र सुधारका लागि रंगेली नगरपालिकाले शिक्षा क्षेत्रलाई प्राथमिकतामा राखेको छ । 

शैक्षिक सुधार, भौतिक संरचना सुधार, विद्यार्थीको उपस्थितिमा सुधार, विद्यालय अभिभावक सम्बन्ध सुधार लगायतका विषयमा रंगेली नगरपालिकाले शिक्षा सेवा अन्तर्गतका अधिकृत बलराम पराजुली र माध्यमिक शिक्षक नारदप्रसाद लुइटेललाई जिम्मेवारी दिएको छ ।

सुधार अभियानकै क्रममा रंगेली नगरपालिका अन्तर्गत सामुदायिक विद्यालय र धार्मिक विद्यालयहरूको अनुगमन तीव्र पारिएको छ ।

अनुगमनबाट प्राप्त विवरणलाई जस्ताको तस्तै रंगेली नगरपालिकालाई बुझाउने र समस्याहरु समाधान गर्न पालिकालाई अनुरोध गर्ने टोलीका संयोजक बलराम पराजुलीले जानकारी दिए ।

अहिलेसम्म २१ वटा विद्यालयहरू अनुगमन भइसकेको बताइएको छ । 

विद्यालयहरूमा देखिएका समस्याहरु समाधान गर्ने उद्देश्यले टोलीले सूक्ष्म अनुसन्धान गरी पालिकालाई प्रतिवेदन बुझाउने टोली सदस्य नारदप्रसाद लुइटेलले जानकारी दिए ।

रंगेली नगरपालिकाले शिक्षा क्षेत्रको विकासको लागि   प्राथमिकतामा राखेकोप्रति शिक्षक समाजले रंगेली नगरपालिकालाई धन्यवाद दिएको छ ।