हार्डवेयर संघमा जिन्दल

विराटनगर । विराटनगर हार्डवेयर संघको सोमबार सम्पन्न भेलाले प्रमोद जिन्दललाई अध्यक्षमा सर्वसम्मत रुपमा चयन गरेको छ ।

विराटनगर महानगरपालिकाभित्र हार्डवेयर व्यवसाय गर्दै आएका दुई सय ५० व्यवसायी सदस्य उपस्थित रहेको भेलाले जिन्दलको अध्यक्षतामा १४ सदस्यीय समिति गठन गरेको हो ।

समितिको प्रथम उपाध्यक्षमा भानु पौडेल, द्वितीय उपाध्यक्षमा कमल अग्रवाल, महासचिव देवीप्रसाद पोखरेल, सचिव जीतेश कोइराला र कोषाध्यक्षमा भरतकुमार खेतान छन् ।

समितिको सदस्यहरुमा शंकर थापा, गोविन्द अग्रवाल, अमित सिंगल, अनन्त निरौला, मुकुल दाहाल, ज्ञानेन्द्रप्रसाद भट्टराई, किरणशंकर साह र अभिशेक केडिया छन् । 

विसं २०५५ सालमा संघ खुले पनि निस्क्रिय रहेकोमा २०७५ सालदेखि पुनः संस्थालाई पुनर्जीवित गरी विधान लेखी दर्ता गरिएको नवनिर्वाचित द्वितीय उपाध्यक्ष कमल अग्रवालले जानकारी दिए । मनोज अग्रवाललको नेतृत्वको संघले पाँच वर्ष काम गरेपछि भेलाले नयाँ अध्यक्षमा जिन्दललाई चयन गरेको हो ।