ज्येष्ठ नागरिकलाई फाइबर सिरक वितरण

विराटनगर । विराटनगर महानगरपालिकाले ज्येष्ठ नागरिकलाई न्यानो कपडा वितरण गरेको छ ।  विराटनगर वडा नम्बर १८ ले बुधबार आयोजना गरेको कार्यक्रममा ज्येष्ठ नागरिकलाई फाइबर सिरक वितरण गरेको हो ।

विराटनगर–१८ भित्र बसोबास गर्ने ६८ वर्षभन्दा माथिका ३ सय ज्येष्ठ नागरिकलाई सिरक वितरण गरिएको वडाध्यक्ष जितेन्द्र साहले जानकारी दिए । कार्यक्रममा मेयर नागेश कोइराला, वडाध्यक्ष जितेन्द्र साहलगायतले सिरक वितरण गरेका थिए । सो अवसरमा मेयर कोइरालाले दक्षिणी क्षेत्रको विकासमा महानगरपालिकाले ध्यान दिइरहेको बताए । 

कार्यक्रममा वडा सदस्य महेश मण्डल, सूर्यादेवी यादव, वडासचिव किरण सुवेदी, इलाका प्रहरी कार्यालय वरिष्ठ प्रहरी नायव निरीक्षक विजय बस्नेतलगायतको उपस्थिति थियो । अत्यधिक चिसो बढेपछि वडा कार्यालयले ज्येष्ठ नागरिकलाई फाइबर सिरक वितरण गरेको हो ।