विराटनगरमा भोली पनि कर्फ्यू, बिहिबार दिनभर निषेधाज्ञा

विराटनगर । मोरङमा भोली शुक्रबार पनि कर्फ्यू आदेशलाई निरन्तरता दिइएको छ । तर दिनभरीको समयमा अवस्थालाई सामान्य बनाउन निषेधाज्ञा मात्रै कायम रहने जनाइएको छ ।

मोरङका प्रमुख जिल्ला अधिकारी इन्द्रदेव यादवका अनुसार आज विहान ६ बजेदेखि कर्फ्यू हटाइएको छ । तर निषेधाज्ञा भने निरन्तर रहेको छ ।

अवस्था सामान्य नहुन्जेलसम्म आज साँझ ५ बजेदेखि शुक्रबार बिहान ६ बजेसम्म भने कर्फ्यू निरन्तर रहने प्रजिअ यादवले जानकारी दिए । 

‘आज मोरङ जिल्ला भरीमा दिनभरी निषेधाज्ञा र बेलुका ५ बजेदेखि भोलीपल्ट ६ बजेसम्मलाई कर्फ्यू आदेशको निरन्तरता रहेको व्यहोरा सम्पूर्णमा अनुरोध’ प्रजिअ यादवद्वारा सूचनामा भनिएको छ ।