भेडेटारबाट समातियो १३५ किलो गाँजा बोकेको ट्रक

विराटनगर । धनकुटाको साँगुरीगढी गाउँपालिका-६ स्थित भेडेटारबाट गाँजा बोकेको एउटा ट्रक प्रहरीले नियन्त्रणमा लिएको छ । 

बुधबार दिउँसो इलाका प्रहरी कार्यालय भेडेटारबाट खटिएको प्रहरी टोलीले चेकजाँचको क्रममा धनकुटाबाट धरानतर्फ आउदै गरेको को १ ख ३८०८ नम्बरको मिनि ट्रकबाट एक सय ३५ किलो गाँजा बरामद गरेको कोशी प्रदेश प्रहरी कार्यालय विराटनगरले जनाएको छ । 

गाँजा बरामद भएसँगै ट्रक चालक शहिदभुमी गाँउपालिका-५ का २८ बर्षीय भुमिराज राई समेतलाई प्रहरीले नियन्त्रणमा लिएको जनाइएको छ । 

गाँजा बोकेको ट्रकसहित पक्राउ परेका चालक राईलाई जिल्ला प्रहरी कार्यालय धनकुटाले थप अनुन्धान गरिरहेको जनाएको छ ।