सुनको मूल्यमा कीर्तिमान

काठमाडौँ, ३० भदौ । स्थानीय बजारमा आज पहेँलो धातुको मूल्यले नयाँ कीर्तिमान कायम गरेको छ ।

लगातार उकालो लागिरहेको सुनको मूल्य आज प्रतितोला रु पाँच सयले वृद्धि भएको छ ।

नेपाल सुनचाँदी व्यवसायी महासङ्घका अनुसार शुक्रबार प्रतितोला  एक लाख ५६ हजार तीन सयमा कारोबार भएको छापावाला सुन आजका लागि भने  एक लाख ५६ हजार आठ सय निर्धारण भएको छ ।

यो मूल्य हालसम्मकै उच्च हो ।

यस्तै चाँदीको मूल्य तोलामा ४० ले वृद्धि भएको छ । शुक्रबार प्रतितोला एक हजार आठ सय ६० मा कारोबार भएको चाँदीको मूल्य आजका लागि भने  एक हजार नौ सय निर्धारण भएको छ ।  रासस