कोशीमा सार्वजनिक लेखा समितिको सभापति बन्दै किराँती

विराटनगर । कोशी प्रदेश सभाको प्रमुख प्रतिपक्षी दल नेकपा माओवादी केन्द्रले भागबन्डामा पाएको सार्वजनिक लेखा समितिको सभापति राजन किराँतीलाई उम्मेदवार बनाउने भएको छ । 

किरातीको नाममा लगभग सहमति भइसकेको माओवादी केन्द्रका एक केन्द्रीय सदस्यले बताए ।

सार्वजनिक लेखा समिति प्रमुख प्रतिपक्षले पाउने प्रचलन अनुसार किराँतीलाई माओवादीले सभापतिको उम्मेदवार बनाएको हो । 

किराँती उदयपुरको निर्वाचन क्षेत्र १ (१) बाट निर्वाचित भएका हुन् ।

प्रदेश सभा सचिवालयले समितिको सभापति पदमा उम्मेदवारी दिन बिहीबार बेलुका ५ बजेसम्मको समय तोकेर सूचना प्रकाशन गरिसकेको छ । 

सातवटा विषयगत समिति मध्ये नेकपा एमालेले ३ र नेपाली कांग्रेसले ३ वटा समितिको सभापति लिने टुंगो लागिसकेको छ ।