Biratnagar, Morang, Nepal
२१ चैत २०८१, बिहिवार
+977 21 450305, 515728, 578305
खेलकुद

महिला हब टि–२० क्रिकेट प्रतियोगिता शुरु

उद्‌घोष सम्वाददाता
२५ कार्तिक २०८१, आइतवार

विराटनगर । विराटनगरमा प्रथम नेपाल हब महिला टि–२० सिरिज क्रिकेट प्रतियोगिता शुरु भएको छ । 

नेपाल क्रिकेट फाउण्डेशनको आयोजना एवं क्रिकेट विथआउट वाउण्ड्रीजको सहयोगमा सुरु भएको प्रतियोगितामा विराटनगर हव महिला टिम र राजविराज हव महिला टिमबीच सिरिजका खेल हुने जनाइएको छ ।  

प्रतियोगिताका संयोजक मन्दिप साहका अनुसार शनिबार सम्पन्न भएको पहिलो खेलमा विराटनगरले राजविराजलाई ३८ रनले पराजित गरेको छ । पहिलो जितसँगै विराटनगरले १–० ले सिरिजमा अग्रता लिएको छ । 

टस हारेर ब्याटिङको निम्तो पाएको विराटनगरले निर्धारित २० ओभरमा ७ विकेट गुमाउँदै १०५ रन बनाएको थियो ।

विराटनगरका लागि प्लेयर अफ द म्याच टिका साहले सर्वाधिक ३८ रन जोडिन् । सानु राजवंशीले १२ रन तथा पूर्णिमा राजवंशी र प्रिन्सा मगरले १०–१० रनको योगदान दिए ।

राजविराजकी बन्दना रजक, अपेक्षा यादव र साक्षी यादवले समान २–२ विकेट लिए । 

१०६ रनको लक्ष्य पाएको राजविराजले पूरै ओभर खेल्दै ८ विकेटको क्षतिमा ६७ रनमा समेटिएको थियो । राजविराजकी दीपा रामले १४ रन बाहेक अन्य ब्याटरले दोहोरो रनलाई जोड्न सकेनन् ।

विराटनगरकी स्मारिका गौतमले ३ विकेट लिइन् । त्यस्तै अंशु मण्डलले २ विकेट लिएकी थिइन् । दोस्रो खेल भने आइतबार हुने जनाइएको छ ।

View : 122

Copyright © 2023 -2025. Udghosh Daily. All Rights Reserved