सवारी दुर्घटनाबाट १ जनाको मृत्यु

विराटनगर । मोरङको बेलबारी नगरपालिका-३ स्थित पुर्वपश्चिम लोकमार्गमा सवारी दुर्घटना हुँदा एकजनाको मृत्यु भएको छ ।

मंगलबार साँझ पुर्वबाट पश्चिमतर्फ आउँदै गरेको ना. २ ख १४९० नम्बरको बस र बिपरित दिशाबाट आउँदै गरेको प्रदेश १-०२-००१ ज ४२७७ नम्बरको सुमो गाडी आपसमा ठोक्किंदा सुमो चालक बेलबारी नगरपालिका-९ का ३५ बर्षीय कृष्ण थापाको मृत्यु भएको जनाइएको छ । 

गम्भिर घाईते भएका थापालाई उपचारको लागि न्युरो अस्पताल बिराटनगर लैजाने क्रममा बाटैमा मृत्यु भएको मोरङ प्रहरीले जनाएको छ ।

इलाका प्रहरी कार्यालय बेलबारीले घटनाको थप अनुसन्धान अघि बढाएको जनाइएको छ ।