प्राध्यापक बाबुराम बुढाथोकीलाई पत्नी शोक

 विराटनगर । महेन्द्र मोरङ क्याम्पसमा राजनीतिशास्त्रका प्राध्यापक बाबुराम बुढाथोकीकी धर्मपत्नी तथा नेपाल प्रहरीकी सेवानिवृत्त निरीक्षक सुमादेवी कार्कीको शुक्रबार साँझ निधन भएको छ।

लामो समयदेखि अर्बुद रोगबाट पीडित कार्कीको विराटनगर-२, बरगाछीस्थित आफ्नै निवासमा निधन भएको हो।

नेपाल प्रहरीको सेवामा रहँदा जिल्ला प्रहरी कार्यालय मोरङको महिला सेलको जिम्मेवारीसमेत सम्हालेकी कार्कीले महिला हिंसा र दुर्व्यवहारका पीडितहरूलाई न्याय दिलाउन महत्त्वपूर्ण भूमिका खेलेकी थिइन्। उनको यो कार्यको सबैले प्रशंसा गर्ने गर्दथे।

दिवंगत कार्कीका पति प्राध्यापक बाबुराम बुढाथोकी र एक छोरी महिमा छन्। उनको अन्त्येष्टि शनिबार बिहान सिंगिया नदी तटस्थित परोपकार घाटमा गरिने पारिवारिक स्रोतले जनाएको छ।