रंगेलीमा ट्याक्टरको ठक्करबाट मोटरसाईकल चालकको मृत्यु

मोरङ, २२ असोज । मोरङको रंगेली नगरपालिका-१ पोखरी टोल स्थित भित्री सडक खण्डमा ट्याक्टरको ठक्करबाट मोटरसाईकल चालकको मृत्यु भएको छ ।

सोमबार दिउँसो  १२ बजे कर्सियाबाट सखरदिना तर्फ जादै गरेको प्र १-०४-००१ त १००४ नम्वरको ट्याकटरले सोहि दिशा तर्फ जादै गरेको को. ६ प ६५४६ नम्बरको मोटरसाईकललाई ठक्कर दिँदा मोटरसाईकल अनियन्त्रित भई पैदल यात्री धनपालथान गाउँपालिका-६ का ४५ बर्षीय सिटुरु ऋषिदेवलाइ समेत ठक्कर दिएकोमा मोटरसाईकल चालक धनपालथान-१ का ४६ बर्षीय राम बहादुर माझी र मोटरसाईकल पछाडि सवार उनको श्रीमती ३६ बर्षीया मंगली चौधरी समेत तीनै जना घाईते भई उपचारको लागी गोल्डेन अस्पताल बिराटनगर पठाएकोमा उपचारको क्रममा राम बहादुर माझीको मृत्यु भएको थियो ।

दुर्घटनामा संलग्न ट्याक्टर र चालक धनपालथान-४ का २० बर्षीय रबिन मण्डललाई इलाका प्रहरी कार्यालय रंगेलीले नियन्त्रणमा लिई घटना सम्वन्धमा थप अनुसन्धान गरीरहेको छ ।