स्रोत नखुलेको रकमसहित दुई पक्राउ

विराटनगर । विराटनगर–१७ स्थित मटेरूवाबाट स्रोत नखुलेको नगद ७ लाख रूपैयाँसहित २ जनालाई मंगलबार दिउँसो प्रहरीले पक्राउ गरेको छ । 

पक्राउ पर्नेहरूमा  विराटनगर–७ बस्ने २४ वर्षीय सुशान्त यादव र भारत अररिया जोगवनी–३२ बस्ने ३४ वर्षीय सानतुन राय  छन् । 

अस्थायी प्रहरी चौकी मटेरूवाबाट खटिएको प्रहरीले भारतबाट नेपालतर्फ आउँदै गरेको को.३९ प ६००२ नम्बरको स्कुटरलाई जाँच गर्ने क्रममा चालक सुशान्तको साथबाट ३ लाख र स्कुटरमा सवार सानतुनको साथबाट ४ लाख रूपैयाँ फेला पारी दुबै जनालाई पक्राउ गरेको हो ।