ग्रामथान उपनिर्वाचन : अपरान्ह ३ बजेसम्म ६५ प्रतिशत मतदान

विराटनगर । मोरङको ग्रामथान गाउँपालिकाको अध्यक्ष पदका लागि आइतबार अपरान्ह ३ बजेसम्म झण्डै ६५ प्रतिशत मत खसेको छ ।

मुख्य निर्वाचन अधिकृतको कार्यालयका अनुसार ३ बजेसम्म १६ हजार ८७३ मत खसेको जनाइएको छ । 

अपरान्ह १ बजेसम्म भने ११ हजार ६३८ मत अर्थात करीव ५५ प्रतिशत मत खसेको थियो । 

ग्रामथानमा २६ हजार ४४ मतदाता रहेका छन् । १२ मतदान स्थलका २९ मतदान केन्द्रमा मतदान जारी रहेको छ ।

आइतबार विहान ७ बजेदेखि सुरु भएको मतदान शान्तिपूर्ण रुपमा चलिरहेको छ । मतदान केन्द्रहरूमा मतदाताहरू पुगिरहेका छन् । विहान केही सुस्त रहेको मतदानले अपरान्हतिर भने गति लिएको छ ।

वडा नम्बर १ मा सवैभन्दा धेरै मत खसेको जनाइएको छ ।