ग्रामथानमा मतगणना सुरु गर्नुअघिको सर्वदलीय बैठक सुरु

विराटनगर । मोरङको ग्रामथान गाउँपालिकाको अध्यक्ष पदका लागि भएको उपनिर्वाचनको मतगणना केहिबेरमा सुरु हुने भएको छ । मतगणना अघिको सर्वदलीय बैठक केहिबेर अघि सुरु भएको जनाइएको छ ।

सर्वदलीय बैठक सकेर दलहरुले मतगणना प्रतिनिधि तोके लगत्तै गणना प्रारम्भ गर्ने मुख्य निर्वाचन अधिकृतको कार्यालयले जनाएको छ । मतगणनाका लागि तारजालीसहितको गणनास्थल तयार पारिएको छ ।

सवै मतदान केन्द्रबाट मतपेटिका मतगणनास्थलमा संकलन भइसकेको जनाइएको छ । दुईवटा टोलीले मतगणना गर्ने तयारी गरेको छ । सर्वदलीय बैठक सकिएपछि केहिबेरमै मतगणना सुरु हुने जनाइएको छ ।