मिल्स टि–२० क्रिकेटको फाइनलमा होराइजन र वाईआरसीसी भिड्ने

विराटनगर । तेस्रो संस्करणको मिल्स कप टि – २० क्रिकेट प्रतियोगितामा विराटनगरको होराइजन र वाईआरसीसी क्रिकेट क्लब फाइनलमा पुगेका छन् ।

विराटनगर जुटमिलको खेलमैदानमा आइतबार भएको अन्तिम सेमिफाइनल खेलमा विहारको कटिहार क्रिकेट क्लबलाई ४ विकेटले हराउँदै होराइजन उपाधि नजिक पुगेको हो । 

आइतबारको खेलमा कटिहारले दिएको १७४ रनको लक्ष्य होराइजनले निर्धारित २० ओभरमा ६ विकेट गुमाइ पूरा गर्यो । 

यसअघि टस जितेर पहिलो ब्याटिङ रोजेको कटिहारले १९ ओभरमा सबै विकेट गुमाइ १७३ रन बनाएको थियो ।

यसअघि विराटनगरकै एनवीएससी क्रिकेट क्लबलाई ११६ रनले हराउँदै वाईआरसीसी क्लब फाइनलमा पुगिसकेको छ ।