सशस्त्र प्रहरीद्वारा सहिदका परिवार सम्मानित

सुनसरी । सशस्त्र प्रहरी वलले आङ्खनो २४ औं स्थापना दिवसका अवसरमा सेवाका क्रममा सहिद भएका सशस्त्रका कर्मचारीका परिवारलाई सम्मान गरेको छ । सशस्त्र प्रहरीको बराहबाहिनी पकलीले बुधबार आयोजित समारोहमा चार जनालाई सम्मान गरेको हो । 

सशस्त्र प्रहरी वरिष्ठ हवल्दार स्व विष्णुबहादुर खड्काकी श्रीमती सारदा खड्का, सशस्त्र प्रहरी हवल्दार स्व विनोदकुमार यादवकी श्रीमती कञ्चनदेवी यादव, सशस्त्र प्रहरी हवल्दार स्व कमलबहादुर सुब्बाका बाबु हरिमान लिम्बू र हवल्दार स्व काशिराम चौधरीका बाबु बदी्रनारायण चाैधरीलाई सम्मान गरिएको छ ।

कोशी प्रदेशका बिभिन्न युनिटमा रहेर काम गरिरहेका सशस्त्र प्रहरी कर्मचारीलाई अभिलेखमा जनिने गरी कार्यक्रममा नगदसहितको पुरस्कार प्रदान गरिएको छ । पुरस्कार पाउनेमा सशस्त्र प्रहरी वरिष्ठ उपरीक्षक मनिष थापालगायत ११ जना छन् । यस्तै सशस्त्र प्रहरी उपरीक्षक राजेश घिमिरेसहित २३ जना उत्कृष्ट काम गर्नेलाई सम्मान गरिएको छ ।

यस्तै उत्कृष्ट कार्य गर्ने प्रस्तावित सीमा सुरक्षा गुल्महरूबाट पशुपतिनगर इलाम, सुरक्षा वेशहरूतर्फ उत्कृष्ट मोरङको लक्ष्मीमार्ग वेश र बोर्डर आउट पोष्टहरूको तर्फबाट उत्कृष्ट घुस्की सुनसरीलाई कार्यक्रममा पुरस्कृत गरिएको छ ।

कार्यक्रमलाई सम्बोधन गर्दै मुख्यमन्त्री हिक्मतकुमार कार्कीले भारत र चीनसँग जोडिएको खुल्ला सिमानामा सशस्त्र प्रहरीले दिने गरेको सुरक्षा अतुलनीय रहेको बताए । जनशक्ति अभावका बीच सशस्त्र प्रहरीले सीमा रक्षामा प्रशंसनीय कार्य गरिरहेको बताउँदै कार्कीले दुई ठुला देशको बीचमा रहेको नेपालका लागि सीमामा सशस्त्रले पारस्परिक सम्बन्धका लागि पनि काम गरेको चर्चा गरे ।

स्थापना दिवसका अवसरमा गरिएको आन्तरिक खेलकुद प्रतियोगिताका बिजेताहरूलाई पुरस्कृत गरिएको थियो ।

दौड, महिला र पुरूष, टेबुलटेनिस र ब्याडमिन्टन, भलिवल, फुटवलमा बिजयी हुनेहरूलाई आन्तरिक मामिला तथा कानुनमन्त्री रेवतीरमण भण्डारी, सशस्त्र प्रहरी नायव महानिरीक्षक शम्भु सुवेदीलगायतले पुरस्कार प्रदान गरे ।