कोशी प्रदेशका उच्च पहाडी क्षेत्रमा हिमपात

विराटनगर । चिसो बढेसँगै कोशी प्रदेशका उच्च पहाडी क्षेत्रमा हिमपात सुरु भएको छ । इलाम, ताप्लेजुङ, पाँचथर र तेह्रथुम जिल्लाका उच्च पहाडी पर्यटकीय क्षेत्रहरुमा हिमपात भएको जनाइएको छ । 

इलामको सन्दकपुरमा बाक्लो हिमपात भएको छ । त्यस्तै मानेभञ्ज्याङ लगायतका उच्च भागमा हिमपात भएको जौबारीका होमस्टे व्यवसायी लक्की शेर्पाले बताइन् । 

तेह्रथुमको वसन्तपुर नजिकै तिनजुरे मिल्के क्षेत्रमा पनि हिमपात भएको छ । त्यसैगरी गुफापोखरीमा हिमपात भएको जनाइएको छ ।

ताप्लेजुङको पाथीभरा क्षेत्रमा पनि हिमपात भएको जनाइएको छ । लामो पर्खाइपछि ती क्षेत्रमा हिमपात भएका कारण स्थानीय समेत हिउँ खेल्न उत्साहित भएका छन् ।