जिल्ला प्रशासन कार्यालय मोरङलाई जीवन विकासको सहयोग

विराटनगर । जेनजी आन्दोलनका क्रममा आगजनी हुँदा क्षतिग्रस्त भएको जिल्ला प्रशासन कार्यालय मोरङलाई जीवन विकास लघुवित्त वित्तीय संस्थाले प्रिन्टर सहयोग गरेको छ । 

कार्यालयको सेवा सञ्चालनका लागि बिहीबार ३ वटा प्रिन्टर सहयोग गरेको हो ।

जीवन विकास लघुवित्त वित्तीय संस्थाका नायब प्रमुख कार्यकारी अधिकृत दामोदर रेग्मीले प्रमुख जिल्ला अधिकारी इन्द्रदेव यादवलाई सहयोग सामग्री हस्तान्तरण गरे ।

गत असोज २४ गते भएको आन्दोलनका क्रममा जिल्ला प्रशासन कार्यालय मोरङका सबै संरचना जलेर ध्वस्त भएको थियो । 

ध्वस्त संरचना मर्मत गरी प्रशासनको सेवा प्रवाहका लागि विभिन्न संघसंस्थाले सहयोग गरिरहेका छन् ।