गाजा बरामद

सुनसरी : सुनसरीको दुहवी नगरपालिका–८ बाट गाजा सहित १ जनालाई  प्रहरीले पक्राउ गरेको छ ।

पक्राउ पर्नेमा शहिदभूमि गाउँपालिका–७ धनकुटाका २१ वर्षीय अनिश तामाङ रहेका छन् । तामाङले चलाएको प्रदेश १–०२–०४२ प ३७५४ नम्वरको मोटरसाइकलमा रहेको झोलाबाट इलाका प्रहरी कार्यालय दुहबीको प्रहरी टोलीले ३१ किलोग्राम गाजा बरामद गरेको हो ।

दुहबी–८ स्थित कोशी लोकमार्गमा को १ ह ८४७८ नम्वरको सिटी सफारी र प्रदेश १–०२–०४२ प ३७५४ नम्वरको मोटरसाइकल ठक्कर लागी दुर्घटना हुँदा मोटरसाइकल चालक तामाङ सहित सिटी सफारी चालक तथा सिटीमा सवार २ जना मानिस घाइते भएका थिए ।

तत्काल इलाका प्रहरी कार्यालय दुहवीको प्रहरी टोलीले घाइतेहरूलाई उपचारका लागि स्थानीय जीवनज्योति स्वास्थ्य सेवामा लगि उपचार गराएको थियो ।

दुर्घटनामा संलग्न सवारी साधनलाई नियन्क्रणमा लिने त्रममा मोटरसाइकलमा रहेको कालो रंगको भिर्ने झोला र ३ वटा जेब्रा झोलामा ३१ किलोग्राम लागुऔषध औषध गाजा फेला परेको हो ।

मोटरसाइकलमा रहेको झोलाबाट गाजा बरामद भएसँगै उपचार पश्चात तामाङलाई नियन्त्रणमा लिई सुनसरी जिल्ला अदालतबाट म्याद थप गरी इलाका प्रहरी कार्यालय दुहबीबाट थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।